tuisblad > home >
Hierdie
merkwaardige Oratoriaanse priester
het tydens die 19de eeu 'n groot impak op die stad Udine in die noorde
van Italië gehad. Hy het St. Filip se retoriese vraag van: "Wel
my broers, wanneer gaan ons begin om goeie dinge te doen?", letterlik
toegepas. Die sosiale en politieke omwenteling wat Italië in die
19de eeu ondergaan het, asook die oorloë en gepaardgaande hongersnood
wat die gebied geteister het, het 'n samelewing van behoeftige mense laat
ontstaan. Vr. Luigi het 'n Huis vir Haweloses opgerig waar hy 'n tuiste
geskep het waar jong armlastige meisies die geleentheid gegee is om hulself
geestelik en maatskaplik te verbeter. Uit die vroue wat hom in hierdie
projek bygestaan sou die Kongregasie van die Susters van Voorsienigheid
groei. St. Luigi het net soos St.
Filip 'n onwrikbare vertroue in God se Voorsienigheid gehad. Hy is
1804 gebore en sterf in 1884. In die jaar 2000 is Luigi Scrosoppi deur
pous Johannes Paulus II tot heilige verklaar. Sy voorbeeld en voorspraak
dien as model en bystand vir ons in Oudtshoorn.
*
Ons beoog om binnekort 'n uitgebreide lewensoorsig beskikbaar te kan stel.
